SCG Games, Naging Matagumpay

Naghanay ng iba’t ibang aktibidades ang Students’ Coordinating Group kasabay ng pagdiriwang ng Nutrition Month sa buong buwan ng Hulyo. 

Kaakibat nito ang temang, “Kumain ng wasto at maging aktibo: Push natin ‘to”, nagsilahok ang mga estudyante ng IHMA sa mga larong inihanda ng SCG officers; ito ay ang volleyball boys at basketball girls. 

Naglaban-laban ang iba’t ibang grupo ng Team Grow, Go, Glow, at Group para sa volleyball boys, at Team Red, Yellow, Blue, at White para sa basketball girls. 

Para sa championship, ang Team Grow at Glow ang nagharapan para sa volleyball at ang Team Red at White naman sa basketball. Binalot ng sigawan at hiyawan ang IHMA gymnasium ng nagsimula ang mga laro at naging maganda ang labanan ng mga koponan. Sa huli, nanaig ang Team Grow at Team Red sa larong hatid ng SCG.